Aanlyn-inskrywings

Omdat ons in die 21ste eeu lewe het Polsslag Voortrekkers besluit om die inskrywings vir aktiwiteite en kampe maklik te maak: Ons gebruik daarom aanlyn-inskrywings soos en waar ons kan.

Hoe werk aanlyn-inskrywings vir aktiwiteite?

Die proses wat Polsslag gebruik is redelik eenvoudig:

  • jy voltooi die aanlyn inskrywingsvorm;
  • betaal die geld oor in Polsslag se bankrekening; en
  • jou kind is ingeskryf vir die aktiwiteit of kamp.

Onder hierdie afdeling sal daar skakels gepubliseer word van die aktiwiteite wanneer die inskrywings oopmaak. Sodra die inskrywings gesluit het, sal die betrokke skakel verwyder word. Op hierdie bladsye sal die inligtingsbrief van die aktiwiteit gepubliseer word asook ander relevante inligting.

Navrae insake inskrywings vir aktiwiteite en kampe kan gestuur word aan inskrywings@polsslag.co.za. Hierdie navrae sal sal binne twee werksdae beantwoord word. Omdat ons almal vrywilligers is en ook ʼn werk deur die dag, vra ons dat julle asseblief geduldig sal wees.

Wat is Polsslag se bankbesonderhede?

Polsslag Voortrekkers bank tans by ABSA.

Tjekrekening: 600 511 262
Takkode: 632 005
Verwysing: Voorletter en van, lid se graad en die betrokke kortkode (hierdie kortkode sal saam met die spesifieke inligting van die aktiwiteit gegee word). ʼn Voorbeeld van ʼn goeie verwysing is: PRoux 6 SWGGA

Stuur die bewys van betaling aan finansies@polsslag.co.za.

Hoe weet ek watter aktiwiteite en/of kampe aangebied word?

Eerstens sal ons ʼn kennisgewing op ons poslys uitstuur met die nodige inligting:

  • watter kentekens aangebied word;
  • wanneer die sperdatum vir die inskrywings is;
  • of daar enige beperkinge op die aantal inskrywings is; en
  • die proses wat gevolg moet word om jou kind in te skryf.

Tweedens kan jy Polsslag se webblad dop hou vir watter aktiwiteite gelys word onder hierdie afdeling. Elke aktiwiteit sal ʼn bladsy van sy eie hê met al die bogenoemde inligting daarop, plus die aanlyn-inskrywingsvorm, indien dit van toepassing is.

En laastens as jy nêrens anders reg kom nie, kan jy altyd op Transvaal se webblad gaan kyk vir die betrokke aktiwiteit of kamp se inligting.

Jy is natuurlik ook welkom om vir ons ʼn e-posboodskap te stuur na inskrywings@polsslag.co.za.